Cun l pan todo nas eiras,
cumbinaba-se l ampeço de la trilha. Al lhado de cada bornal quedaba un spácio
çtinado pa la trilha. Ampeçában-se a
spipar ls manolhos de l bornal, zatában-se i spergien-se nesse spácio
arredondado que le dában l nome de parba. Ls trilhos puxados pula junta de
bacas, dies a filo, dában buoltas sien cuonta, porriba de todo aquel cereal,
anté acabar de l trilhar todo. Se
benisse ua tronada, cun la parba stendida, habie que l’aparbonar para la porteger
de la chuba. La parba era rebolbida cul biendo, bárias bezes durante la trilha, anté quedar bien
çfeita, an munha, capaç de ser lhimpa,
cun la fuorça de l aire.
Sem comentários:
Enviar um comentário